Datorren asteazkenean, uztailak 18, Irantzu Mankomunitateko Udan Blai familia-zikloaren hitzordu berria dugu. Lehen saio hau Villatuertako igerilekuetan izanen da (sarrera librea haurrentzat) eta 11:15ean hasiko da, Irriherri elkartearekin jolasak eta tailerra eginda. Ondoren, 12:00etan, IND-JONES etorriko da gurera: Ikuskizun musikala, antzerkia eta dantza nahasten dituena, kalejira eta koreografiekin, beti ere umorea lagun izanda.
InD-Jones esploratzaileak munduari bira ematea erabaki du. Zerbaiten bila dabil eta ez du etsiko aurkitu arte. Ez, ez da harri magiko edo piramide baten barruan dagoen altxor bat. Oraingo honetan musika da Euskal Herritik mugitzera bultzatzen duena.
Urtero, udako abesti berdina entzuteaz aspertuta, kontinentez kontinente bidaiatuko du abesti galduaren bila, bere bihotza ukituko duen abesti berezi horren bila. Horretarako mundu zabalean zehar jira ta bira ibiliko da eta bide batez bisitatuko dituen leku guztien kulturaz jabetuko da. Azkenean, badirudi bila eta bila aritu den abesti berezi hori uste baino askoz ere gertuago zegoela.
<align=”center”>Ind-Jones, Munduari jira eta bira trailerra
