Euskal agenda martxan dago berriro eta astea betea datorkigu. Gaurtik hasita ekitaldi ugari ditugu gure hizkuntzan gozatzeko. Gaur, astelehena, “Oreina” filma izanen dugu 20:15ean ikusgai Lizarrako Los Llanos zinemetan. Ostegunean, aldiz, bi plan ditugu: 19:00etan Allotzeko elkartean “Herrigintzaz eta Irrigintzaz Euskaraldian” Joxe Mari Agirretxerekin, Porrotxekin eta 19:30ean Orreaga tabernan Mintzapote, Mintzakide kanpainaren abiatzea. Azkenik, larunbatean, Lerinen euskararen eguna izanen dugu, egun osoko egitarau oparoa.
Bestalde, aste honetan ez bada ere, aurreratzea bi izen emate ditugula irekita:
- Urriaren 10era arte gazteentzako (12-18 urte) Antzerki ikastaroa Maria Vicuña Gazteriaren Etxean. Doakoa.
- Urriaren 16 eta 23 “Jolastuko Gara” saioak izanen direla Aritzalako Montalban Gizarte Etxean. Hauen asmoa dugu erakustea gurasoei eta alorreko profesionalei 1-6 adin bitarteko haurrekin euskaraz jolasten. Argibide gehiago hemen.
Urriak 1, astelehena, 20:15ean “Oreina” filma Lizarrako zinemetan
Urriak 4, osteguna, 19:00etan “Herrigintzaz eta Irrigintzaz Euskaraldian“
Urriak 6, larunbata, Lerinen euskararen eguna
Urriaren 10era arte, gazteentzako antzerki ikastaroan izena emateko epea
Urriak 16 eta 23 “Jolastuko Gara” tailerra. Izen ematea irekita
