Garean elkartearen eskutik bi kultur ekitaldi izanen ditugu aste honetan. Aurrena, asteazkenean Txokolipuinen ikasturteko azken saioa izanen dugu, ohi bezala 18:00etan La Bota elkartean. Oraingoan Iraitz Lizarraga arituko zaigu ipuin kontalari. Ostegunean, aldiz, helduen txanda izanen da: Eider Rodriguez izanen dugu ikasturte amaierako irakurle klubean. Bihotz handiegia liburuaren inguruan literatur solasaldi aparta izateko aukera izanen dugu ostegunean 19:30ean liburutegian.
Ondoren, ostiralean 19:30ean, Mikel Belaskoren toponimia hitzaldia izanen dugu Gorozingo elkartean elkartean. Bertan ikusi eta entzun ahal izanen dugu gure arbasoek utzitako landa toponimia izenak, halaber, ezagutu ahalko dugu oro har toponimiak Nafarroan eta Lizarraldean zer esan ahal digun aro ezberdinetako euskararen inguruan.
Azkenik, larunbatean, Irantzu Mankomunitateko herrien euskararen eguna izanen dugu Villatuertan, XI. edizioa jada. Gogoratu, halaber, bazkariko txartelak hartzeko azken eguna asteazkena dela. Musika, dantza, kale girotzea, puzgarriak, bazkaria, kontzertua, koreografia familientzat…
Asteazkenean azken eguna euskararen eguneko bazkari-txartelak hartzeko!
Ostegunean 19:30ean Eider Rodriguezekin solasaldia: Bihotz handiegia
Ostiralean 19:30ean Mikel Belaskoren toponimia hitzaldia (gaztelaniaz)
Gorozingo elkartean.
Larunbatean Villatuertan euskararen eguna
Koreografia euskararen egunerako
Neu’e Buruben kontzertua euskararen egunean
