Atzoko blog-eko albistean iragarri genuen larunbatean Anaitasuna betetzeko deialdia Lizarratik, ez da baina asteburu honetan gure inguruan dugun hitzordu bakarra. Besteak beste, larunbata honetan, Ziraukin euskararen eguna izanen dugu, haur zein helduentzako egitarau oparoarekin.
Eta, bestetik, Erretzun Izaki Mitologikoen II. biltzarra izanen dugu. Iaz aurreneko biltzarra ospatu eta gero, gogoberriturik datozkigu aurten ere Denendako kooperatibako kideak egun osoko egitaraua eskainiz.
Ez ahaztu larunbatean ere Anaitasuna betetzeko erronka dugula euskaltzaleok.
