Euskaraldiak uztaila atzean utzi berri du eta, horrekin batera, Lizarrako festetan sartuko da bete-betean. Hilabete honetan kalera atera gara erabilera bultzatzeko ekimen honekin eta Lizarrako Erdi Aroko azokan, Jaizko Gatzaren Egunean, Villatuerta eta Muezko Udan Blai ikuskizunetan eta Errezun jarri dugu Euskaraldia-postua. Azken honetan, postua jartzearekin batera, ekimenaren aurkezpena egin genuen.
Ezin ahaztu, halaber, zabaldu genuen spot birala (une honetan 2.567 bistaratze Facebook-en eta 745 Youtuben): “Ulertuko dit? Nola igarriko diot?“. Bertan aurreiritziak gainditzeko eskatzen genuen eta lehen hitza ezezagun orori euskaraz egiteko. Adinak, itxurak edota larruazalaren koloreak ez baitigu ziurtatuko aurrean duguna ba ote dakien ala ez.
Geure postuan topatu ditzakezue kamisetak, poltsak, desioen zuhaitzeko ostoak egiteko aukera, photocall-a… Azken honekin argazki galeria ederra osatzen ari gara egunotan, hemen uztaileko photocallaren argazki bilduma osoa.
Eta, esan bezala, Lizarrako festen atarian gaudela (adi! bertan ibiliko baikara!), Entreto2 aldizkarian artikulua argitaratu diote Garean elkarteari eta, bertan, festetan Belarriprest izatera animatzen ditugu herritarrak:
Kotarro 43 aldizkarian, Festei begira argitaratu berri dena, festa-inkesta berezia dugu honako hau. Zer dute komunean bertako 6 lagunek? Aipatutako Euskaraldi spot-ean agertu dira denak!
Kotarro 43ren Festa-inkesta
