Lizarrako Udalean “Udaltzaingoko kabo izateko lanpostu bat barne igoeraren bidez mailaz igota betetzeko lehiaketa” deialdia NAO 206 (2013ko urriaren 24a) argitaratu zela probestuz, deialdi hauetan euskarak duen tartea aztertu dugu apur batean. Hizkuntzak jakiteagatik gehienez 21,90 puntu onartzen ditu deialdiak eta baloratzen dituen hizkuntzak euskara, frantsesa, ingelesa eta alemana dira. Euskarari 6,90 puntu onartzen dizkio gehienez eta bestelakoei 5na puntu.
Bestelako antzeko deialdiei so eginez (udaltzainen lan postu deialdiak izan edo barne igoera izan) Hizkuntza politika ezberdinak topa ditzakegu Eremu Mistoa eta Ez Euskalduna delako Udaletan. Laburbilduz:
| Euskara baloratu, baina alemana, ingelesa eta frantsesaren pareko. Lizarran 6,9 euskarari eta 5 puntu besteei (2013ko urriaren 24ko NAOn), Iruñean (2006ko urriaren 11ko NAOn) 5,25 euskarari eta 5 besteei, Eguesibarren (2013ko urriaren 11ko, NAOn) 2 euskarari eta 5 besteei, Tafallan (2013ko irailaren 6ko NAOn) … |
| Euskara ezinbesteko izatea. Antsoainen (2009ko urriaren 19ko NAOn, bi lan-deialdi eta batean euskara derrigorrezko egin, bestean euskara ez baloratu), Atarrabian (2011ko abenduaren 22ko NAOn, B1 maila eskatzen zen) … |
| Euskara meritu izatea beste hizkuntzen neurrira jarri gabe. Zizur Nagusia (2012ko apirilaren 4ko NAOn, 6 puntu euskarari) |
| Hizkuntza eskakizunik ez egitea. Barañain (2011ko irailaren 4ko NAOn) |
Barañaingo mugako kasuak TAN-en oihartzuna izan zuen, horrela 2011kan Barañaingo Udaleko plantilla organikoa bertan behera utzi zuen. Bestetik, euskara Europako beste hizkuntzen pare uztean, honen garrantzia lausotzeko erabaki interesatua dugu. Ezin badugu euskara desagerrarazi, atzerriko hizkuntzei balore bera eman diezaiogun.
[…] hilabeteotan bi lan-zerrenda ireki dira Udalean. Bata Udaltzaingoan eta bestea Gizarte Langile Ordezkapen zerrendan. Lehendabizikoan Euskararen Ordenantza nolabait […]