(…) Joan den urteko martxoaren 26ko eguerdian, astelehenarekin, bi Guardia Zibil hainbat gazte miatzen ari ziren Lizarrako alde zaharrean. Halakoan beste gazte bat gerturatu egin zitzaien bertan zuen lagun bati galdetzera: “zer gertatzen da? zergatik zaituztete horrela?”. Polizietako bat orduan modu oldarkorrean buelta eman eta “pero tú qué le has dicho, ¡tradúcemelo!”, gazteak erantzun, “tranquilo, solamente le preguntaba a ver qué pasaba”, eta Guardiak aurpegiratu “¡que no, que traduzcas!” eta segidan “¡identifícate!”. Egoerak aurrera jarraitu zuen, eta poliziak gaztearen NAN-a hartzean honen izen euskaldunarekin “bazilatzen” hasi zitzaion (…)
Aurreko paragrafoa gazte horrek egin adierazpenetatik hartu da. Asteazken honetan izanen du epaiketa Iruñean eta 9:30ean deialdia egin da Lizarrako autobus geltokitik abiatzeko gazteari babesa adieraztera. Informazio gehiago nahi izanez gero, jo Lizarrako Gaztetxearen webgunera.