Ostiraleko bertso afarirako txartelak agortuta. Bertsolariak: Erika Lagoma eta Nerea Elustondo

Bertso afaria

Orain aste eta erdi jarri ziren eskuragarri bertso afarirako txartelak eta atzo bertan amaitu ziren. Datorren ostiralean, Ander Deuna azoka asteburuan, eta jaki gozoez hornituta (Menua: sarrerakoak, entsalada, txerrikume errea eta azkenburukoa -barazkijaleentzako aukera ere bada, aldez aurretik abisatu 672 050 155an-), 55 lagunek Lizarrako Gure Hizkuntza elkartean bertso saio ederra izanen dugu 21:30etik aurrera.

Ormiruditan azaltzen ez genuen arren, bada momentua etorriko diren bi bertsolariak aurkezteko: Erika Lagoma nafarra eta Nerea Elustondo legazpiarra. Biak ala biak Lizarran aritutakoak dira, Erika bertso-afariren batean eta Nerea orain gutxi egindako mintzaldi batean (Bertsolaritza eta emakumea gai zituena), eztitugu beraz ezezagunak gurean. Gainera, aipatzeko detailea, bi emakume ditugula bertso-afarian; arrunta izaten da bi gizon edo emakume-gizon bikotea osatzea baina ez da hain ohikoa bi emakume izatea, ziur harrituko gaituztela!

IRUZKINA IDATZI

Mesedez idatzi zure iruzkina!
Mesedez idatzi hemen zure izena