Txokolipuinak, Xabi Lopez eta irrati-antzerkia

(Xabi Lopez, Piztu gabeko zigarroa obrarekin, Pako Aristi, Azken neuronaren heriotza, eta Victor Iriarte, La esquela, Cafe Bar Bilbao 2010eko Teatro Laburreko Gidoien Sariketan. Argazkia: Karolina Almagia)

Bihar bertan, ikasturteko hileko azken asteazken guztietan bezala, Txokolipuinen saioa izanen dugu Lizarran. La Bota Elkartean eta 18:00etan hasita lehen mailako ipuin kontalariek haurren (Haur Hezkuntza 3 eta Lehen Hezkuntza 1-2) arreta erabat bereganatzen dute ordu betez, honen erdian txokolatolgi askaritxoa izanik.

Gaurkoan gainera, aitzakia ederra dugu ipuin kontalaria aipatzeko: Lizarrako Xabi Lopez. Lehen ere bere antzerkigile ibilbideari buruz aritu izan gara blog honetan. Oraingo honetan ere, datorren ostegunean jasoko duen sari berri bat iragartzera gatozkizue: Gasteizko Udalak antolatutako Carlos Pérez Uralde irrati-antzerkiaren lehiaketaren lehen saria irabazi baitu euskarazko atalean.

(“Tocar el teatro con las manos. El teatro para niños de Luis Matilla“, 2008ko
liburua aurkezten RESADen. Xabi Lopez)

Carlos Pérez Uralde irrati-antzerkiaren euskarazko lanen atalean finalerako sailkatu ziren bi lanak honako hauek izan ziren: Lizarrako Xabier Lopez Askasibarren With a little help from my friends eta Bilboko Galder Perezen Bertso Larria. Lan finalista hauek, gaztelaniazkoekin batera, urriaren 14tik aurrera entzungai izan dira EITBko irratietan eta eitb.com-en.

Xabi Lopezen With a little help from my friends entzungai ondoko estekatan: lehen atala, bigarren atala, hirugarren atala, laugarren atala eta bosgarren atala. Atal bakoitza bost bat minutukoa dugu. Azaroaren 28an Gasteizko Antzokian antzeztuko dute With a little help from my friends Nazioarteko Antzerki Jaialdiaren barruan.

Luxua dugu Txokolipuinetan horrelako sortzaileekin aritzeko aukera izatea.