Deierriko Udalaren eskutik, kontaketa, dantza eta kantuketa… topaketa! izanen dugu Aritzalako Montalban G.E.an. Jarduera 2019 edo 2018an jaiotako haurrei zuzenduta dago, gutxienez heldu batek lagunduta.
Otsailaren 18an, ostiralean, 16:30etik 17:30era Haiza Loira izanen da gurekin kontaketa, dantza eta kantuketa euskaraz: Musikoterapeuta, musikaria, irakaslea eta ipuin kontalaria. Ondoren, 17:30ean, topaketarako unea, batetik jada eskolatuak dauden gurasoak edo eskolatzear daudenak, eta baita Udaleko animatzaile soziokulturala eta Mankomunitateko euskara teknikaria ezagutzeko aukera. Izen ematea beharrezkoa da, honako galdetegian. Oharra: Beteko balitz, bigarren saio bat egingo litzateke 18:00etan.
Helburua: Ipuinak soinu eta doinuz lagunduz, haur kantutegiaren abestiak kantatuz eta mugimenduaren bidez, alegia, jolastuz, haurrari ingurunea ezagutzeko eta honekin harremantzeko abagunea eskaintzen zaio, gainontzeko haurrekin eta bere maiteekin esperientzia partekatuz.
