Aula abierta-Ikasguneren izenean, gogorarazi nahi dizuet heldu den asteartean, apirilak 26, 18:30ean, institutuko liburutegian, Jokin Mitxelena ilustratzaile bikaina izanen dela gure artean. Zinez uste dugu aukera paregabea dugula gaur egun Europa osoko ilustrazio arloan erreferentzia nagusietako bat den artista gipuzkoarraren zuzeneko marrazkiez gozatzeko. 130 liburutik goiti ilustratu ditu eta merezitako sari aunitz ere irabazi ditu, bertzeak bertze, 2010eko Euskadi Saria edota 2015eko Etxepare Saria.
Saioan ilustrazioa eta narrazioa uztartuko ditu, eta, arestian erran gisan, zuzeneko marrazketak izanen du nagusitasun osoa. Bertzalde, jarduera honen kostuaren erdia Lizarrako CAP-ILZk ordainduko duenez, zentro horren jardueren barnean sartuko da, eta horrek erran nahi du izena eman beharko dugula ILZko arduradunak aste honetan departamentuetara igorriko duen deialdian. Zernahi gisa ere, institututik kanpoko jendeari ere zuzendurik dagoenez, jende horrek ez du izena eman beharrik, eta zuzenean etorri ahalko da saiora.
Saioa euskaraz izanen da, baina zuzeneko marrazketa narrazioari nagusituko zaionez, erdaldunek ez dute inolako arazorik izanen ikuskizunaz gozatzeko. Izan ongi eta heldu den asteartera arte!
