Berandu bada ere, irailean ekin baitzion martxari, Izarbeibarko Errobi AEK euskaltegiko blog berriaren berri eman nahi dugu. Albistea atontzeko, zer hobe euskaltegiko ikasle-irakasleek iaz eginiko bideo ederra baino. Blogeko azken albisteko hitzak hona ekarrita: “Klaseak hastear daude eta ikasturte berria fundamentuz hasteko sarean sortu ditugun baliabideak aurkeztu nahi dizkizuegu. Alde batetik facebook-eko orria -izarbeibarkoaek – eta bestetik izarbeibarkoak bloga. Azken honetan klaseko idazlanak, argazkiak eta nahi beste idatzi eta zintzilikatu ahal izango duzue.”
Adi jarraituko diogu ekimenari eta, bide batez, animo eta zorte on!