Gareanek egitasmo berria jarriko du martxan larunbata honetan: Kantuz Txiki. Bertan, haurrei begirako euskal kantak eta dantza uztartuko dira giro ederra sortuz.
Lizarran Kantuz-en abaroan ernatua, guraso izan ditu abesteko gogoa eta haurren beharrak. Haurdunaldi goxoa izan eta gero (kumeak lehen ostikadak eman zizkion amari maiatzeko Garean festan), jaiotzeko gogoz dator Kantuz Txiki: larunbata honetan, urriak 31 dituenean, Baxe Nafarroa kaletik abiatuko da 19:15ean. Eta kanturako nahiarekin geratzen denak, 20:00etan helduen Kantuz izanen du.