Datorren urriaren 23an Euskara Plazara jaia ospatuko da Villatuertan. Irantzu Mankomunitateak euskara zerbitzua berreskuratu berri du (2011ko abenduan erabaki zuten udalek kentzea), eta hori ospatzeko egitarau xumea antolatu dute.
10:00etan Irriherri elkartearen bilera. Bertan jorratuko da, batetik, kide berriei Elkartearen bilakaera azaldu; euskara teknikariaren aurkezpena; eta hasi berri den ikasturterako ildoa definitzen hasiko da. Bilera irekia izanen da.
12:30ean Oskar Estangak haur ikuskizun dantzagarria, bertsoz eta kantuz josia, eta erabat parte hartzailea eskainiko digu. Kiroldegiko erabilera anitzeko gelan.
14:30ean herri bazkaria, erabilera anitzeko gelan ere. Txartelak urriaren 18ra arte eskuragarria hainbat lekutan (ikusi kartela), menu arrunta 15€ urriaren 18ra arte, hortik aurrera 18€; eta haur menua 6€. Bazkalostean bertso eta kantua Aimar Karrika eta Oskar Estangarekin. Bitartean, frontoian haurrentzako puzgarriak.
Aste osoan Euskara Zerbitzuaren erakusketa txikia kiroldegian.
