Euskaraz etiketatutako olioak eskutik eskura datoz gure etxeetara; Eskutik eskura bertako produktuak gure eguneroko kontsumo ohituretara ekartzeko proposamena da. Gure kontsumo eredua aldatzeko gonbitea. Kontsumitzaile arduratsuak herriz herri elkartzeko saiakera: gutako bakoitzari on egin dagion eta, denon artean, gure inguru hurbilari on egin diezaiogun.
Otsailaren 19tik martxoaren 2ra Nafarroa hegoaldeko oliba olio birjina estra eskatzeko tartea dugu, ekologikoa zein konbentzionala, ekoizlearen jatorrizko prezioan. Aurten, Olioa, lau errotak jarriko dute: Cascanteko La casa del aceitek, Ablitasgo kooperatibak, San Isidro del Pinarreko Bardeak eta Arroitzeko Ekolok. Urtez urte ekoizle gehiago ekimenera batu zaizkio beraz, 2014an, lehen kanpaina errota bakarraren parte hartzearekin egin ostean, iazkoan bi eta aurtengoan lau errota izango dira eta.
LIZARRAn, eskaerak, Beinat Etxepare AEK Euskaltegian edo Lizarra Ikastolan egin daitezke. Azken egun hauetan, gainera, olio dastaketak antolatu izan dira euskaltegian, dastatu, hartu eta gozatu Nafarroako urre horiarekin.
