Manifestazioek, besteak beste, manifestuak dakarte besapean. Deitzaileek ekartzen dutenak edo beste batzuek “idatzitakoei” erantzunez egiten direnak, adibidez, «UPN está en desacuerdo con la imposición del modelo D en la zona no vascófona, por lo que, cuando volvamos a tener responsabilidades de gobierno, revertiremos esta situación».
Manifestua, “idatzitakoei” erantzun edo sufritzen diren egoerei erantzuteko, horretarako ere badira manifestazioak: haur eskolak Iruñean, «…euskarak ez du balio lan egiteko», D eredua zabaltzeko “epikaren” beharra, diskriminazioa D ereduaren garraioan batxilergoan… Pribilegiatua izatera ohituta zaudenean, berdintasuna zapalkuntza iruditzen baitzaizu; edo hala dirudi behintzat.
Manifestu propioa ez bagenu ere, erantzun beharrarekin nahikoa arrazoi dugu ekainaren 4an Iruñara joateko. Badugu, ordea, gure manifestua, eta zoritxarreko zenbakia izanagatik ere proposamena anitzekoa: Nafarroan hizkuntza-politika garatzeko hamahiru proposamen.
Horregatik, Bide eman euskarari.
