Azken urteotan bezala, Lizarrako Garean euskara elkarteak seme-alabak D ereduan matrikulatzera animatzen ditu Lizarraldeko gurasoak. Kanpaina horren baitan hainbat ekimen burutu dira, horien artean Lortu dugu bideo laburra, non ospatzen den hiru landa eskoletan D eredua abiatu izana.
Bestalde, herri horietako zenbait gurasorekin Diario de Noticias de Navarra egunkariaren Tierra Estella gehigarrian “D eredua, landa eremuan“ elkarrizketa sorta ere argitaratu da. Lau elkarrizketen lerroburuak aski adierazgarriak dira (hemen galdetegia):
“Guk euskaraz ez jakitea ez da zailtasun gaindiezina” – Abartzuza
“Ez dugu aukeratu nahi landa eskolaren eta D ereduaren artean” – Lezaun
“Bi hizkuntza badakizkite, errazagoa da beste bat ikastea” – Villatuerta
“Euskara hemen hitz egiten zen, berreskuratzea gure eskubidea da” – Zudairi (Ameskoa)
Horrekin batera, urtero bezala, Lizarran Pirritx, Porrotx eta Marimotots pailazoekin jaia:
Eskualdeko landa eskolak, euskarazko murgiltzen eredua zabaldu izana ospatzen:
[…] %20 inguruko ekarpena egiten diote Estellerriko landa eskolek euskarazko hezkuntzari. Hainbat gurasorekin izandako elkarrizketetik eta zenbait familien egoeragatik (eskola berean anai-arrebak hizkuntza-eredu ezberdinetan), […]