Bi aste falta dira Gareanen irakurketa kanpaina amaitzeko eta jada euskarazko 25 liburu irakurri dituzte gutxienez gure irakurzaleek; gutxienez diogu, inprimakia bete dutenei buruz ari garelako; badira beste gutxi batzuk posta elektronikoa bidaliz jakinarazi dutela. Bestalde, apirileko saritua ere izan genuen, zein izango ote da maiatzekoa?
Gogoratu maiatza amaitu bitarte parte-hartzeko aukera duzue. Etxean ahantzita duzun euskarazko liburu bat hartu, edo ireki berri diren liburu-dendetan erosi, irakurri-gozatu eta gure formularioa bete bertzerik ez da egin behar. Oroitu liburutegia ireki orduko esperoan izanen duzula zure deskontu-txartela. Parte hartzen dutenen artean 30 euroko erosketa txekea zozketatuko dugu. Anima zaitez!
Hogeita bost horien artean, adinaren arabera sailkatuta: 4-13 urte artean hamar liburu, 24-34 artean lau liburu, 39-46 hiru liburu, 56tik aurrera zortzi liburu. Herriaren arabera sailkatuta, aldiz, Lizarran 14 liburu irakurri dira, launa Arbeitzan eta Aiegin, eta bana Iruxon, Lakarren eta Villatuertan.
Eta, orain arteko liburuak:
