Bertsolaritzaren sekretuak ezagutu nahi? Horretarako aukera aparta duzu Lizarrako La Bota Peñan eginen den bertso-klasearekin. Astearte honetan eta 19:30etik aurrera mundu honen gaineko oinarrizko informazioa modu atseginean jasoko dugu. AEK-ren, Bertso Eskolaren eta Gareanen eskutik, gerturatu nahi duen euskaldun ororekin eta doinu ezagunak lagun, zortziko handia, kopla txikia, hamarreko handia, puntua, eta bestelakoekin arituko gara jostatzen.
Informazio gehiago: Berriako albistea, Korrikaren Bertso-bira bideoa eta Bertsolazale Elkartea. Lizarrako bertso eskolako irakasleak bideratuko du klasea, Aitor Irazustabarrenak.
