Abuztua iritsi da, eta Udan Blaik jarraitzen du eskualdeko haurren uda euskararen ureztatzen. Aste honetan Lezaun, Oteitza eta Villatuertaren txanda dira. Adi, ze igandeko jolasetan izena eman beharra dago eta asteazkena baino lehen egin behar da. Hona hemen hiru proposamenak:
- Abuztuaren 5ean, asteazkena, 18:30ean Lezaungo frontoi txikian (elizaren ondoan), Xabier Lizasorekin Izeba Tekla: Musika, jolasa eta pianoa, dena bat! Sarrera doan baina edukiera mugatua. Aparkatzeko proposamena: Lezaungo frontoi nagusiaren ondoan.
- Abuztuaren 7an, ostirala, 21:30ean Oteitzan Ordu Magikoa Hodei Magoarekin.
- Abuztuaren 9an, igandea, 11:00etan Villatuertan (osasun etxearen ondoko parkean) Jolasak Karrikarat Dindaiarekin. Sei urtetik aitzina, haurrentzako jolas dinamikak euskaraz. Izen ematea osteguna baino lehen 661 665 111 udal whatsappean.
