Heldu dira jaiak eta duela sei urte hasitako ekimena berritzeko tenorea. Lizarrako jaietan euskaraz bizi nahi dugulako Gareanek euskarazko hainbat jarduera prestatu ditu zuri-gorriari berde kolorea ere jartzeko. Lagunarte ederra osatzen dugu Lizarrako karriketan kantatuz zein Santiago plazan urtero urtero elkartzen garenok: elkarteko kideek, ikusleek, parte hartzera anmatzen zaretenek. Izan ere, hasierako asmoei heldu diegu: jaiak euskaraz aritzekoak, parte hartzekoak eta gozatzekoak.
JAI BEZPERAKO JOLASAK. Abuztuaren 1a, ortzeguna. Foruen plaza, 19:00 – 21:00. KULKI-k Baserriko jolasak ekarriko dizkigu berriro baina berrikuntza batekin: Antzararen jolasa baliatuko dute jokalariek kirol batetik bertzera joan ahal izateko.
LIZARRAN KANTUZ. Abuztuaren 3a, larunbata. Behe Nafarroa karrika, 12:00 Behe Nafarroa karrikan elkartuko bagara ere, betiko ibilbidean arituko gara kantari. IRRINTZI TXAPELKETA. Abuztuaren 3a, larunbata. Santiago plaza, 20:30. Bigarren txapelketa dugu aurtengoa. Txapelketaren unean bertan eman daiteke izena. HERRI KIROLAK. Abuztuaren 5a, astelehena. Santiago plaza, 20:30. Aurtengo berrikuntza ditugu Herri kirolak. Gehienbat, parte hartzekoak izanen dira. Jendea aritzen den bitartean, erakustaldiren bat egonen da. KIKI PAILAZOA. Abuztuaren 6a, asteartea. Santiago plaza, 20:30. Haurren egunerako Kiki pailazoak Katapuntxispun-festa prestatu digu. Irri egiteko, dantzatzeko eta jolasteko aukera paregabea! JAUZIAK ETA HERRI DANTZAK. Abuztuaren 7a, asteazkena. Santiago plaza, 13:30. Ohiko dantza saioa asteazkenera aldatu dugu. Bazkaldu aitzin, ordu betez arituko gara dantzan. Gero, urtero bezala bazkari autogestionatua. Animatzen denak jatekoa eraman eta konpartitu beharko du. |