Zinema: Black is beltza II: Ainhoa

Datorren asteburuan (irailaren 30ean, urriaren 1, 2 eta 3an) euskarazko estreinaldia Los Llanos Kulturagunean, Black is Beltza II: Ainhoa.

Sinopsia: Ainhoa mirariz jaio zen La Pazen (Bolivia) Amanda ama atentatu parapolizial batean eraila izan ondoren. Kuban hazi eta 1988an, 21 urterekin, iniziazio-bidaia bati ekiten dio Euskal Herrira abiatuz lehenbiziz, Manex aitaren lurraldea ezagutzera. Gatazka errepresibo betean, Josune kazetari konprometitua eta bere lagun koadrila ezagutuko ditu.

Josuneren mutilaguna heroina gaindosi baten ondorioz hiltzen denean, honek erabakiko du Ainhoarekin batera bidaia jarraitzea eta honela murgiltzen dira Libano, Afganistan eta Marseilla hiritik barrena. Gerra Hotzaren azken urteak dira eta biak ala biak narkotrafikoko sareek trama politikoekin elkartzen diren mundu ilunean barneratuko dira.

Ordutegiak webgunean:

  • Ostiralean 20:15ean
  • Larunbatean 19:30ean eta 22:00etan
  • Igandean 17:30ean eta 20:00etan
  • Astelehenean 20:15ean

IRUZKINA IDATZI

Mesedez idatzi zure iruzkina!
Mesedez idatzi hemen zure izena