Udan sartu berri gara eta horrekin Udan Blai izanen dugu Lizarraldean. Gareanek, Lizarrako festak bitarte, 3 ekitaldi proposatzen ditu. Aurreko urteotako buruarinak egiteko tailerrari eta haurrentzako yogari oraingo honetan pianoa eta jolasa batu zaizkio Xabier Lizaso piano-jolearekin. Hiru ekitaldiok ohiko lekuan izanen dira, Los Llanoseko Intxauspe txokoan, Ikastola eta Kulturagunearen arteko itzalpean.
Bestalde, ondoan, baina Kulturaguneko lorategian, kontzertu bikaina izanen da uztailaren amaieran, Janus Lesterren Ez gaitzala loak hartu. Azkenik, Irantzu Mankomunitateko euskara zerbitzuak ere buruarinak egiteko tailerra antolatu du uztailaren hasieran. Bestalde, Irantzu euskara zerbitzuak abuztuan ere jarduerak antolatu ditu, eman begiratua agendari!
Adi! Buruarinen bi tailerretan aldez aurretik izena eman beharra dago eta baita haurrak eginen duen buruarina aukeratu!
Txuri-beltza da ta, musika, jolasa eta pianoa 3-12 urtetako haurrekin
Noiz: 2024/07/03, 19:00
Non: Lizarra, Los Llanoseko intxauspen (Kulturagunea eta Ikastolaren artean)
Nori zuzendua: Familiarra (3-12 urte). Iraupena: 60 min
Txuri-beltza da ta emanaldian Haurrak eta musika dira protagonista, ez Xabier Lizaso piano-jolea. Haurrekin hartu emana sortzen da saio osoan zehar. Haurrek musika eta pianoa bera oso modu dibertigarri eta didaktikoan aurkituko dute; jolasaren bidez iritsiko dira musikara. Bost jolas izango ditu saioak, bakarkakoak, taldekoak, entzun beharrekoak, atentzioa lantzekoak,… baina jolasean elkar errespetatzea ezinbestekoa izango da. Hori bai,…KANTATUZ bukatuko da kontzertua eta KANTATUZ joango dira etxera.
Buruarinak egiteko tailerra Lezaunen
Noiz: 2024/07/04, 18:00
Non: Lezaun, igerilekua
Buruarinen tailerra Lezaunen. Adina: +5 urte. Izen ematea ekainaren 27ra arte, Irantzu euskara zerbitzuko telefonoan (622154523) edo helbide elektronikoan. Iraupena, 2 ordu.
Buruarinak egiteko tailerra Lizarran
Noiz: 2024/07/11, 19:00
Non: Lizarra. Los Llanoseko intxauspe txokoan, Kulturagunea eta Ikastolaren arteko itzalean.
Prezioa: 7 euro (tailerrean bertan ordainduko da)
Adina, 5 eta 12 urte bitartean. Bestalde, 5-9 adinekoek heldu baten laguntza beharko dute. Adi! “Burua”ren diseinua aldez aurretik aukeratu behar da (ikusi kartela eta aukeratu diseinua). Izen ematea eta aukeratutako burua, uztailaren 6rako adierazi behar dira, honako whatsappean: 672 050 155
Haurrentzako yoga
Noiz: 2024/07/18, 19:00
Non: Lizarra. Los Llanoseko intxauspe txokoan (Kulturagunea eta Ikastolaren arteko itzalean).
Adina: 3 eta 12 urte artean.
Gehienez ere 12 haur, izena emateko: 645 215 823 telefonoan, uztailaren 10etik 17ra. Tailerra Maialen Zabalbeaskoak eskainiko du. Antolatzaile: Garean.
Janus Lester kontzertuan: Ez gaitzala loak harrapatu
Noiz: 2024/07/27, 21:00
Non: Lizarra. Los Llanos Kulturaguneko atzeko lorategian
