Datorren asteko ostiralean, urriak 21, bi jarduera izanen ditugu gurean. Batetik, Estitxuren kontzertua Los Llanos Kulturagunean eta bestetik bertso-afaria Zurukuainen. Bien sarrerak salgai daude jada, Estitxuren kontzertuaren kasuan online Los Llanos Kulturagunean (5 euro). eta bertso-afariaren kasuan Ametsa tabernan eta Irantzu euskara zerbitzuan (25 euro), adi, urriaren 19ra arte eskuragarri.
20:00etan Los Llanos Kulturagunean (5 euro). Estitxu Pinatxo abeslari eta konpositore nafarra 15 urterekin sartu zen musikaren munduan, Egan erromeria talde mitikoko teklatu jotzaile eta korista zela. Ordutik aurrera, eta abeslari gisa, hainbat proiektu heldu ziren, musika estilo ezberdinak jorratuz.
Kontzertua “Bira Nafarroan Barna” zikloaren barruan eskaintzen da: Kultura Departamentuak bultzatutako zikloaren 2. edizioa martxoaren 24an hasiko da, eta bi etapatan garatuko da, bata udaberrian eta bestea udazkenean
(17:30) Hormairudia margotuko da eta Euskaraldiko txapak garaiz ailegatu badira, hauek banatzeko puntu bat egongo da
(20:00) Trikitilariak
(21:30) Bertso afaria: txistorra, entsalada, kalderetea, postrea, kafea eta tragoa.
Txartelak 25 euroan, Euskara zerbitzuan (622154523) eta Ametsa tabernan (Lizarra). Txartelak urriaren 19ra arte. Menu begetarianoa eskatzeko: 647871592.
