Katuen Kontuak emanaldia izanen dugu datorren ostiralean, azaroak 25, Garesko Vinculo etxean. Sarrerak doan dira, baina erreserbatu egin behar, Garesko euskara zerbitzuan (baita telefonoz ere: 948 34 00 07 Luzapena: 3)
[Testua: Loraldia]
“Katuen kontuak” emanaldiak musika eta literatura uztartzen du. Dozena bat kantu eta kantu bakoitzari sarrera literario bat. “Bidaia luzeko kantuak dira, edo, hobeto esanda, kantuak dira bidaia”, sortzaileen esanetan. Izan ere, Habanan sortutako testuak, Atlantikoa zeharkatu zuten eta Euskal Herrira heldu ziren “eskuz esku, konplizez konplize, sekretu bat konpartitzen dutenen artean sortzen den zirrara hori lagun”.
Joseba Sarrionandiak sortu zituen Kuban duela ia hamar urte. Hitzei, musika jarri zien Gose taldeko Ines Osinagak eta “Gosariak” proiektua gauzatu zuen. Orain, idazlea Euskal Herrian dela, letra horien jatorria eta zergatia azalduko ditu Osinagaren musikaz lagunduta.
Ozeano berak blaitzen ditu La Habana eta euskal kostaldea. Ozeano beraren zurrumurruaren gainean kulunkatuko dira hitzak eta melodiak. Ines eta Joseba. Baik baitira bidaia honen lemazainak. Ironia, salaketa, eromena… aupa Maurizia! Hamaika emozionatzeko jaio gara.
