Lizarrako udalaren webgunea lardaskatzen, hainbat proposamen topatu ditugu albisteetan. Osotara 10 jarduera dira, Kultura, Gazteria, Kirola eta Berdintasun arloek antolatuta. Eta horietan hizkuntza adierazten ez bada ere, oso liteke guztiak gaztelaniaz izatea, kasurik onenean kortesiazko euskararen agerpenekin lagunduta (salbu eta, agian, ludoteka).
Udalaren Kultura arloak antolatuta:
- Aroa Berrozpe eta Jon Plazaolaren bakarrizketak apirilaren 27an eta maiatzaren 11n Los Llanos Kulturagunean. Aroa Berrozpek eta Jon Plazaolak bakarrizketa bana eskainiko dute Estella-Lizarrako Los Llanos Kulturagunean apirilaren 27an eta maiatzaren 11n, hurrenez hurren.
- Estella-Lizarra lehen aldiz batuko da ‘Titirired’ txotxongilo jaialdira, Aste Santuko oporretan bi ikuskizun familiarrekin. Apirilaren 19an ‘Chinchulina y el ruiseñor de la China’ programatu dute eta apirilaren 26an ‘Sé tortuga’, 4 euroko prezioan obrako. Cintruenigo, Ribaforada, San Adrian, Viana, Valtierra eta Azagra dira jaialdiaren hamaikagarren edizioko beste herriak.
Udalaren Gazteria arloak antolatuta:
- Jarduera eskaintza zabala Gazteria arloak antolatuta Aste Santurako. Apirilaren 19an, larunbata, Deskontrol escape room egongo da Deskontrolekin, doan, 6-8 laguneko taldeentzat; apirilaren 22an, asteartea, papercut tailerra (prezioa, 3 euro); apirilaren 23an, 24an eta 25ean, Game Fest eginen da, FIFA edo Fornite jokoen txapelketekin; eta 23an, Urban Dance masterclass bat ere egonen da (3€). Amaitzeko, larunbatean, apirilak 26, salting eta izotz patinajea egiteko irteera bat egonen da (irteeraren prezioa 15 euro). Oso jarduera ezberdinak dira, baina euskarari inolako aipamenik ez egitea pentsarazten du euskaraz ez duela ia presentziarik izanen.
UDalaren Kirol eta Osasun arloak antolatuta:
- Udaleko Kirol eta Osasun Sailak emakumeentzako martxa nordikoko tailerra antolatu du apirilaren 26rako. Tailerra emakumeentzat baino ez da, eta doakoa. Parte teorikoa egonen da Kultur Etxean eta ondoren hirian zehar irteera bat. Ordutegia 11.00etatik 13.00etara izanen da. Kartelean ez da adierazten saioaren hizkuntza, baina oso liteke gaztelaniaz izatea.
Berdintasun sailak:
- Aste Santuko ludotekan izena aurretik emateko epea zabalik. Kartelean ez da adierazten ludoteka euskaraz izanen den, ezin jakin beraz, baina izen ematean hainbat informazio jasotzen dira, baita ikastetxea ere. Hori, baina, ez da bermea haurra D eredutik datorren ala ez, ikastetxe publikoan D, A eta G ikastereduak baitaude.
Beste era bateko emanaldiak, Nafarroako Filmoteka eta zinema programazioa:
- Filmoteka Nafarroan programa Lizarrara itzuliko da datozen asteetan bi proiekziorekin: ‘Robot Dreams’ eta ‘Tasio’. Filmoteka Nafarroan programa Lizarrara itzuliko da bi proiekziorekin hurrengo asteetan: ‘Robot Dreams’ apirilaren 24an 18.00etan eta ‘Tasio’ ospetsua maiatzaren 15ean (osteguna 20.00etan).
