Kotarro aldizkariak 2007an ekin zion bideari Lizarraldean eta Lizarran bereziki. Garean euskara elkartearen ekimen honek ordutik hona 20 aletik gora argitaratu ditu.
Oraingoan, azken azken alea igo berri dugu internetera, Kotarro 25 aldizkaria. Bertan gai nagusia Lizarrako jaiak izan genituen, gauzak horrela, jaietako egitarauek hartu zuten protagonismoa: Udalaren egitaraua eta erraldoien ibilbideak, Lizarrako Ikastolaren barraka, Garean elkartearen “JAI, JAI, JAI, jai, jai, jai, jai, jai, jai, jai, jai, JAI ALAI! Irrintzi bat entzun da? Bai! Jai alai 2013 gertu dago eta!” egitaraua …
Bestetik, txosnen egitarauarekin batera “Lizarrako txosnak: iraganeko oihartzunak gaurkotasunaren lekuko” elkarrizketa burutu zen hainbat antolatzailerekin. Azkenik, Musutruk sariaren inguruko fikziozko “Jaiak musu-truk” testua topa dezakegu eta 25. Kotarro dugula eta, “Mila esker laguntzaile, iragarle eta babesle guztiei. Zorionak Estellerriko euskaldunei. Zuei esker izan da posible.”
Kotarroren beste aleak ikusteko hemen klikatu. Jaietan ehunka ale banatu dira Lizarran eta inguruetan.
