Aste honetan Korrika Kulturalak bi ekitaldi Lizarran. Ostegunean Korrika jolasa, Bota Peñan 18:30ean, gazte eta helduentzako jolasa Korrikaren bueltan, ez galdu! Eta, larunbatean 12:00etan, Lizarra euskararen begietatik bisita gidatua San Martin plazatik abiatuta.
Martxoaren 14an, larunbatarekin, bisita gidatua eginen dugu Egaren hirian barrena. Bisitari 12:00etan ekingo diogu, San Martin plazan, eta gure hirian bizi izan diren hizkuntzei buruz arituko gara, euskara ardatz hartuta. Ibilaldi hau Lizarrako euskal kulturari buruz da, protagonistak, testigantzak, gertakariak… Historian edo denboran aitzinera eta gibelera, aurrera eta atzera, ibiliko gara, auzo eta karriketan zehar.
