Zazpi egunetan halako hitzordu pila biltzea ez da gauza makala. Aste honetan denetarako aukera izanen dugu euskaraz aritzeko. Hasteko, gaur astelehena azken eguna da Lizarraldeko Kantari Egunerako bazkari txartelak hartzeko (Rural Kutxan).
Asteazkenean, aldiz, hitzaldi zeharo interesgarria 20:00etan Maria Vicuña gazteriaren Etxean: Euskañola, Pello Etxanizen eskutik. Ostiralean Lizarrako Gaztetxean, 18:00etan, Txan magoaren ikuskizuna.
Larunbatean, egun bakarrean, lau hitzorduk beteko digute asteburuko lehen eguna. Eguerdiko hamabietan, aldi berean hasita, Oskarbi taldearen kontzertua Gustavo de Maeztu museoan; Pribatutasuna Sarean ikastaroa Fray Diego kultur etxean; eta #Behingoz elkarretaratzea Iruñean, nafar guztion hizkunza eskubideen alde. Igandean, azkenik, Tutera aldera hainbat autobus aterako dira Lizarraldetik: Nafarroa Oinez (egitaraua hemen).
Asteazkena 16, 20:00etan Gazteriaren Etxean “Euskañola” hitzaldia
Ostirala 18, 18:00etan Sugarra Gaztetxean Txan Magoa
Larunbata 19, 12:30etik aurrera, Kantari Eguna Villatuertan
Larunbata 19, 12:00etan Iruñean #Behingoz elkarretaratzea
Larunbata 19, 12:00etan Oskarbi kontzertua Gustavo de Maeztun
Larunbata 19, 12:00etan Pribatutasuna Sarean ikastaroa Fray Diego Kultur Etxean
Igandea 20, autobusak Tuterako Nafarroa Oinezera
