FOTO LIZARRA argazki rallya: argazki sarituak eta igarkizunak

Orain bi asteburu «Foto Lizarraren IV Argazki Rally Kulturala» ospatu zen. Aurten 60 parte hartzaile izan dira, eta hori dela eta antolatzaileak oso baikor agertu dira, “uste dut argazkilariek primeran pasatu dutela Hirian barna eta gai ezberdinen uneak argazkiekin jasoaz“. Blog-sarrera hau laguntzen duen argazkian parte hartu zuten hainbat lagun ageri dira. Rally-a Foto Lizarrak antolatu du, argazkiak kalitate onean eskuratu nahi dituenak jo dezala Foto Lizarrara.

Rally-an zazpi igarkizun zituzten lagun eta horiekin argazkirako gaia topatu behar zuten hirian barrena. Albiste honetan dituzue igarkizunak (iaz bezala aurten ere euskaraz eta gaztelaniaz egiteko aukera izan da, euskaldunek bi arrasto baten beharrean!) eta gai bakoitzeko argazki irabazlea.

Pipiak jota eta borobila,
ordena iraulia,
San Pedron hartzen zaitut,
Ororen hasiera eta bukaera.

Ruako San Pedroren krismoia

Harrizko oihala
Bidearen zaindari,
Jakueren gurutzea
eta errota zaharra.

Harresiak

Lagran aldean jaio naiz,
eta Arga eta Aragoirekin batera,
San Adrianen hiltzean,
txikia zena handi egiten dugu.

Ega ibaia

Kirol bat, pilota bat
bi horma, besapea,
besagaina eta utzialdia zabalean…
Errebotatzen duen txapa.

Frontoia

Diote kristaua izan nintzela,
baina Santa Maria naiz;
Gaztelukoa naizela diote,
baina justu ondoan nago.

Gazteluko Jus Santa Maria

ERROko mendatean gora,
Maskorra lepoan,
Eskuan makila eta,
SAntua buruan.

Erromesa

Kartzela honetara igotzeko
eskailerak daude, aldapa dago,
eta nire harresian ikusiko
hainbat gezi leiho.

Kartzela zaharra eta zubia