Laugarren edizio honetan inoiz baino film labur gehiago aurkeztu dira lehiaketara eta epaimahaiak sailkatutako guztietatik hamar onenak ikusi ahal izango dira. Ondoren jakinaraziko ditu epai-mahaiak saritutakoen izenak. Aurkeztutako film laburren artean dugu Lizarran egindako bat eta galara joanen dira parte hartu zuten bertako hainbat lagun.
Joan den martxoan 24 ordu euskaraz antolatu genuen Lizarran eta bertan azken “euskaraz bizi nahi dut” laburmetrai sarituak eman genituen. Amaieran, ikusleek sentitu zutena jaso nahi izan genuen, hona hemen adierazitako zenbait ale:
Bakarrik ez gaudela sentitu dut eta ezusteko politak har ditzazkegu
Gutxien espero duzunean, espero ez duzunarekin
Komunitate baten partaide naiz, horrek poza eta indarra ematen dit
Euskaldun sentitzen garen pertsonentzako oso hunkigarria
Gogora etorri zait gurasoen hitzak: Ikastolara eraman zintugun, gure lurreko hizkuntza ikasteko. Guk ez dakigu baina momentua da gauzak aldatzeko.
Sentitzen dut indarra euskararekin eta pentsatzen dut euskaraz bizitzea posible dela
Ukitu ezin den zerbait nola ukitzen nauen
Umearen begiradan zoriontasun osoa, erabatekoa
Emozioen hizkuntza unibertsala denez, euskara eta emozioak lotuz unibertsal egin dezagun
Etxetik atera eta norbaiten ezpainetatik euskara sortzen bada, zoriontsuago sentitzen naiz.
