2013ko bertso txapelketak Euskal Herri osoan sortu duen ikusmina Lizarraldean ere izan du islada. Horren lekuko BEC-era joan ahal izan ziren lagun taldeak eta baita Lizarrako Katxetas jatetxean egun osoz jarraitzeko elkartu zen lagun taldea. Hemen duzue honen argazki kronika txikia:
Goiza lasai hasi zen, jendea poliki-poliki Katxetasera hurbilduz. Eguerdian 10 lagun inguru ginen
Eguerdian 9 lagun bertan bapo bazkaldu eta goizeko saioa komentatzeko tartea izan genuen. Ordutegi estuak postrearekin arrapatu gintuen eta saioa hasita bueltatu ginen pantaila erraldoiaren ingurura.
Sabelak beteta eta eztarriak bustita jendea gogotsu eta bero bueltatu zen saiora.
Kafearekin jende berria etortzen hasi zen eta hasieran 10 baginen ere orain 20tik gora ginen.
Finala adi-adi jarraitzen, nork gaindituko Ametsen jarduna?
Finalaren bukaerarako jada 30etik gora ginen, Ametsen eta Maialenen buruz burukoak jendea adi-adi jarri zuen eta denok jaso genuen, preferentziak preferentzia, Ametsen txapela txalo zaparrada beroarekin.
Dena den, klaseak beti izan dira, eta hemen dituzue Lizarrako bertso eskolako hainbat kide, BEC-erako sarrerak eskuratu zituzten 13.500 pribilegiatuetako 5 lagun! Bejondeiela!