Ostiralean 80 bat bertsozale bildu ziren Zurukuaingo elkartean, Saioa Alkaiza eta Julio Sotoren bertsoei adi-adi. Horren aurretik eta bertso saioaren atsedenean, giro paregabea elikatzen aritu ziren trikitilari eta pandero-joleak.
Horren aitzin, Ahobizi edo Belarriprest konpromisoak hartu edo berretsi dituzten herritarrek zegozkien txapak hartu ahal izan zituzten eta, gainera, herritarrek arratsaldean bertan margotu ahal izan zuten Euskaraldia hormirudia frontoiaren atzekaldean.
