2013ko Agate Deuna Garesen, Lizarran eta Ziraukin

Gaur gauean Agate Deunaren bezperak ospatu dira gure eskualdeko hainbat herritan, haien artean Lizarran, Garesen eta Ziraukin. Azken honetan 19:30etik aurrera ehun lagun inguru bildu dira oso giro onean eta hauetatik 30 bat jaia jarraitu egin dute afariarekin batera. Garesen 19:30ean abiaturik jende asko bildu da ere, jaki, edari eta kantuz blai eginda.

Lizarran aldiz 200 bat lagunetik gora elkartu dira, giro onean ere, eta aurten berritasun batekin. Euskaltegiak antolatzen duten kalejirara, aurten aurreneko aldiz, bertso eskolako hainbat ikasle eta irakaslea batu zaizkie. Albiste hau ilustratzen duen bideoan kasu, bertsolari-gaiek azken kopla saioa eskaini diote Katxetas jatetxeko Patxiri. Gaua 20:00etan hasi da euskaltegi pareko txokolatadarekin, roskilla andanak lagunduta, eta ezin hobeki amaitu Gure Hizkuntzan elkarteak berak eskainitako jaki goxo eta ardo prestuarekin. Argazki galeria eta bertso gehiago entzuteko, jarraitu irakurtzen.