Euskaraz aritzeko helburuarekin, urtarrilaren 19rako, larunbatarekin, Artaza bisitatzeko egun pasa antolatzen ari gara Mintzakiden. Horrela, 11:00etan kanpinari bisita gidatua eta bertako sauna finlandiarrak probatzeko aukera izanen da. 13:00ak aldera, herriko bi gaztagilerekin gazta egiteko prozesua ezagutuko dugu eta ondotik bazkaria Artazako kanpinean. Bazkalostean, artzain batekin solasean arituko gara hauen bizitza ezagutzeko eta, nahi izanez gero, honen ardien ukuilua bisitatzeko. Arratsaldean, Bakedaon kontzertua izanen dugu.
Oharrak:
|
Izena emateko edota informazio gehiago eskuratzeko, jarri Mintzakide Dinamizatzailearekin harremanetan urtarrilaren 18a baino lehen: 672 050 155 telefonoan edo lizarbeibar [a bildua] gmail [puntu] com.
Kontzertua zein sauna hartzea hautazkoa da; hartzekotan, sauna 10€ dira eta gutxienez 5/6 lagunek izena eman behar dute eta gehienez 12k. Ameskoara bertaratzeko kotxeak baliatuko dira, kotxeak antolatzeko edo lekurik baden galdetzeko jarri harremanetan ere Mintzakide Dinamizatzailearekin. Bisita haurrentzako egokia da eta euskaldun orori zuzenduta dago. Jardueraren kartela handiago ikusteko hemen klikatu. |
