Tortotxikiren aerobic taldea Lizarran, 2013-2014ko Gabonetan
Nagusiki haurrei begirako eskolaz kanpoko jarduerak antolatzen dituen fundazioa dugu Tortotxiki. Garesen badu ere jardun nagusia, azken bi urteotan Lizarrara ere zabaldu da aerobic, psikomotrizitatea, dantza eta trikitixa ikastaroa eskainiz. Fundazioaren ezaugarri nagusienetakoa dugu jardueren eskaintza euskarazkoa izatea. Jakina denez haurrek urte osoko esna-denboraren %16 inguru ematen dute eskolan euskaraz ikasten, hortik kanpo ez badugu indartzen bere euskararekiko esposizioa (etxean euskaraz, eskolaz kanpoko jarduerak, filma, tele-saio … ) euskara erosotasunez erabiltzeko zailtasunak izan ditzake gurea bezalako eskualde batean.
