Bertsondare: Uxue Alberdiren “Kontrako eztarritik”

ARG: Conny Beyreuther eta Wikipedia

Nafarroako Museoen Zerbitzuaren ekimenez eta Lizarrako Udalaren eskutik, Bertsondare programan bi ekitaldi Lizarran. Lehenbizikoa, Uxue Alberdiren mintzaldia izanen da, ‘Kontrako eztarritik’ liburuan islatutako esperientzia. Abuztuaren 26an, ostirala, 19:00eta Frai Diego kultur etxean.

Kontrako eztarritik (Susa argitaletxea): Uxue Alberdi idazle eta bertsolariak hamabost bertsolari elkarrizketatu ditu LISIPEren bosgarren ale honetan. Helburua, aldiz, ez da bertsogintzaren teknika finduez, koplen kalitateaz edo zortzikoen flow-az mintzatzea, ezpada horiek guztiak nortzuek, nondik eta norentzat sortuak diren aztertzea; bertsolaritza praktika sozial bat baita eta praktika sozial oro baita gure garaiko botere harremanen dispositibo. Hala adieraziko dute elkarrizketatuek.

Emakume mordoak omen dihardu bertsolaritzan. Hori entzuten dugu behin eta berriro, baina datuak eta pertzepzioak ez datoz bat. Guk badakigu emakumeen ikusgarritasuna gizonezkoen desiraren neurrira egina dela, eta, Alberdik bikain argitzen duen moduan, gizon publikoaren osagarri rola betetzen duen bitartean, emakumea (singularrean) onartua da gizonen espazioetan, baina gizonenak dira espazio publikoak.

IRUZKINA IDATZI

Mesedez idatzi zure iruzkina!
Mesedez idatzi hemen zure izena