Datorren martxoaren 18a jardueraz beterik datorkigu Lizarraldean. Ameskoako Korrika, Irriherriren Korrika Jaia Zurukuainen, Mañeruko euskararen eguna… eta hori dena gutxi balitz, larunbat goiz eta eguerdian talo dastaketa Lizarrako Etxe-berria naturdendan.
Honela, 11:00etatik 15:00etara EKOtaloren produktuak dastatu ahalko ditugu (hirugiharra, txistorra, barazkiak, gazta, txokolatea eta makailaoa). 11:30etik 13:00etara, aldiz, haurrentzako sormen tailerra Zoraida Arbizuk dinamizatua.
