Oraingoan, azken azken alea igo berri dugu internetera, Kotarro 26 aldizkaria. Azalean bertan hasita eta hurrengo bi orrialdeak bere hartuz, Lizarraldeko gurasoek haien seme-alabak euskaraz ikas dezaten egiten dituzten ahaleginak ditugu, Euskararen Legeak ezarritako hesiak nola gainditzen dituzten kontatuko digute 5 gurasok “Euskaratik kilometrotara” erreportajean. Datozen egunotan erreportajeko elkarrizketak eta argitaratu gabe geratu zaigun besteren bat blogean paratuko ditugu.
Euskara ikasteko ahaleginak alde batera utzi gabe baina haurtzarotik helduarora salto eginez, “Euskararen munduan sartzeko atea ireki da” artikulua topatuko dugu. Bertan aurten Lizarrako euskaltegiak idatzitako artikuluan aurtengo matrikulazioaren berri izanen dugu eta baita azken hamarkadako bilakaera ere.
Kotarroren beste aleak ikusteko hemen klikatu. Jaietan ehunka ale banatu dira Lizarran eta inguruetan.