Aurretik ere antzeko batzarrak egin dituzte Tuteran, Sakanan eta Iruñerrian kasu. Batzar horietan bezalatsu, gure eskualdean ere 2010etik hona aurrera eraman den hausnarketa plazaratu da. Eskualdeko eragile eta norbanakoen irakurketaren gainean hitz egin eta gero, Kontseiluaren irizpideak ere azaldu ziren. Azkenik, debate irekian, dauden zailtasun batzuk (jendartearen eta norbanakoen aktibatzea, eskualde zabalean irla isolatuak izatea -Tafalla/erriberri, Lizarra, Gares, Viana … -) eta iritzi komunak (nazio mailako eragileen adostasuna, diskurtsoen bateratzea, elkarlanaren beharra…) azaleratu ziren.
Bileraren bukaera parte hartzaileen gogoaren isla izan zen, elkarri hiru bileretara deitu baitzioten! Mintzakideren ikasturte bukaerako bilera, “Euskaraz bizi nahi dut” lasterketarako bilera eta Lizarran sortzen ari den irrati librerako bilera.