Datorren astearte eta ostiralean ipuin-kontaketa saio bana izanen dira; biak ala biak haurrei zuzendurik. Lehena, asteartean, Txokolipuinak: 18:15ean Alfonso Ugarte aretoan (Los Llanos Kulturagunean) Maitane Perezekin. HH3 eta LH1 eta LH2 ikasturteetako haurrentzako, 5 eta 7 urte artekoentzat. Ohi bezala, Gareanen eskutik, 2 euro txokolate ogitartekoarekin.
Bestea, ostiralean, Musak eta Fusak, martxoaren 3an, Zumadia eskolan (Abartzuza), ipuin kantariak Musak eta Fusak-ekin. 0-3 adineko haurrak eta gurasoak. Saioa 17:30ean hasiko da eta ordubeteko iraupena izanen du. Edukiera mugatua da eta izena eman behar da, 622154523 telefonoan. Azken eguna otsailaren 28an.