Gedemelsa enpresa publikoa Lizarrako Udalak sustatzen du, Lizarrako Udalaren eta herriaren beraren garapen sozioekonomikoa kudeatzeko asmoz. Eta lehen aldiz langileak kontratatzeko lan-eskaintza egin du, zehazki bi lanposturako: bata administraria, bestea zuzendari-kudeatzailea.
Hizkuntzen aldetik, bada zer aztertu, hona hemen bi lanpostuei dagozkien pasarteak deialdi bakoitzean:
- Administraria: 1.3.- IDIOMAS. Nivel A1 o superior en Euskera, Inglés y/o Francés. El nivel se acreditará mediante título oficial. En caso de no acreditar mediante título oficial, GEDEMELSA realizará una prueba a los/as candidatos/as, a través de técnicos de la Escuela Oficial de Idiomas. 5.- FASES DEL PROCESO SELECTIVO. 5.1.2. Formación: (Máximo 20 puntos). Idiomas: máximo 6 puntos. B1: 1 punto. B2: 2 puntos.
- Zuzendari-kudeatzailea: 1.3.- IDIOMAS. Nivel B2 o superior en Euskera, Inglés y/o Francés. El nivel se acreditará mediante título oficial. En caso de no acreditar mediante título oficial, GEDEMELSA realizará una prueba a los/as candidatos/as, a través de técnicos de la Escuela Oficial de Idiomas. 5.- FASES DEL PROCESO SELECTIVO. 5.1.2. Formación: (Máximo 20 puntos). Idiomas: máximo 6 puntos. Se aplicará para cada idioma: B2: 1 punto. C1: 2 puntos.
Nabarmentzeko zenbait puntu:
- Bi deialdietan euskara meritua baino ez da. Hau da, enpresa publikoak ez du herritarren hizkuntza eskubideei dagokionez bere gain ardurarik hartu, ez baita beste langilerik izanen.
- Bestalde, baloratuko diren 100 puntutik 6 hizkuntzei bideratuak dira, horietako 2 euskarari. Deialdi osoaren % 2 beraz euskarari, Ordenantzak %6 behar duela dioenean, gutxienez.
- Gainera, administrariaren kasuan, A1etik aurrera baloratuko omen da hizkuntza ezagutza. Euskararen ordenantzak dio B1etik aitzina baloratuko dela euskara eta 103/2017 Foru Dekretuak, aldiz, A1 et A2 baloratuko direla soilik merezimenduaren kasuan. Dena den, gero, puntuen banaketan soilik B1 eta B2 baloratzen dira. Horrek beste zalantza batera garamatza, meritu baten “balorazioa” ez al da beti tokian onartua dagoen goi-mailatik hasi behar? Kasu honetan C1.
- Azkenik, eta larria ere, euskara ingelesa eta frantsesaren pareko jartzen ditu. Berdin litzateke hizkuntza gaitasuna izatea ingelesean, frantsesean edota bertako hizkuntzan. Hau da, Gedemelsa, eta beraz bere arduradun politiko nagusia den PSNk zera esaten digu: euskara hizkuntza arrotza dela Lizarran, gaztelania ez bezala.
- Gedemelsaren helburu nagusia “Gestión del Desarrollo Municipal y Socioeconómico de Estella-Lizarra” da, eta arduren artean ditu eragile sozioekonomikoekin harremanak izatea, herritarrekin, eta arlo ugaritako eragileekin. Hau da, zuzeneko harremana herritarrekin. Bi lanpostuek dituzten funtzioak begiratzea baino ez dago.
Euskararen udal ordenantzak dioena, euskararen jakite-mailen inguruan:
- 4. artikulua. Ordenantza hau aplikatuko da Estella/Lizarrako udal mugapean, halakotzat hartuta hura bera zentzu hertsian eta erakundeak, autonomoak izan ala ez, eta zentro mankomunatuak, haren menpe daudenak.
- 28. artikulua. Deialdi bakoitzaren oinarrietan zehaztuko dira lanpostu bakoitzerako behar diren merezimenduak eta haien artean euskaraz jakitea. Euskaraz jakin beharrik ez dagoen lanpostuetan oposizio-lehiaketa osoaren puntuazioan gutxienez %6 izanen da. Lehiaketarik gabeko oposizioa aukeratzen bada, oposizioan bertan proba bat gehituko da euskararen ezagutza egiaztatzeko. Proba honek, euskaraz jakin beharrik ez dagoenean, oposizio osoaren puntuazioaren %6 izanen du gutxienez. Proban aintzat hartuko den gutxieneko euskara ezagutza maila B1 izanen da.
- 29. artikulua. Kapitulu honetan ezarritakoari dagokionez, euskararen jakite-mailak hiru gradutan neurtuko dira: B1, B2 eta C1 (hizkuntzetarako Europako erreferentzia esparru bateratua: ikaskuntza, irakaspena eta ebaluazioa). Nolanahi dela ere, euskara maila egiaztatu behar bada proba baten bidez, eta proba hori NAPIko akreditazio unitateko teknikariek eginen dute.
Irakurle, zure kasa informazioa kontrastatu nahi baduzu, hona hemen lotura ezinbesteko batzuk:
- Gedemelsa udal enpresa publikoaren estatutuak.
- PSN Gedemelsaren buru, bozeramaileari elkarrizketa Diario de Navarran (2024ko urriaren 1eko datarekin).
- Lizarrako udalaren euskararen ordenantza.
- Gedemelsaren lan-eskaintza, administraria eta zuzendari-kudeatzailea.
Eta hemen testuan jarritakoaren laburpena post-irudi bidez:
