Datorren martxoaren 28an, bi aste barru, “Amaiur, Libera State” eleberri grafikoaren aurkezpena eta solasaldi ilustratua Asisko Urmenetarekin. Gareanen eskutik 18:30ean Jose Maria Lakarra liburutegian.
Martxoaren erdialdean hasiko da IG(B)O kanpaina, Irakurri, Gozatu, (Bertan erosi) eta Oparitu irakurketa kanpaina. Interesaturik zaude? Bada, batetik, adi agendari, martxoaren 28an Asisko Urmenetarekin hasiko gara (Amaiur Libera State) eta apirilaren 24an Uxue Alberdi izanen dugu (Dendaostekoak). Eta, jakina, hurbildu Jose Maria Lakarra liburutegira eta aukeratu euskarazko liburuak, abantaila ugari izanen dituzu maiatza amaitu bitartean!
- Hartu euskarazko liburu bat Lizarrako liburutegitik, eraman etxera eta irakurriz gozatu.
- Amaitutakoan itzuli, irakurketa-fitxa bete eta zure erosketa-txartela jaso liburutegian.
- Erosketa-txartela erabiliz, % merkeago liburu bat Lizarran bertan erosi eta honela tokiko ekonomia bultzatu.
- Erositako liburua oparitu: senide, lagun, lankideren bati… edo zeure buruari, merezi duzu eta!
Eta gainera… hileko parte hartzaileen artean 30 €ko erosketa-txekea zozketatuko da!
Amaiur Libera State, Erroa argitaletxea
«Gu guztiok hilen gara. Belatzekin batera gaztelu hura defenditzearren». Johanes Agirre, Etxalarko notarioa, 1522-07-11.
Orain dela 500 urte ehun nafartar librek gogor egin diote sei mila gizoneko armada inperialaren oldarraldiari aste oso batez. Erdiak hil dira bertan, eta bertze erdiak preso eraman dituzte, katez kargaturik.
- «Jaun Jakue Belatz, zuk eta gure nazioko eta leinuko zaldun jaun horiek guztiek irabaziko duzue ezein naziok sekula irabazi ez duen ohorerik behinena». Antso Esa, Erresumako altxorzaina, Baionatik 1522-07-12.
Gutun hura da gazteluan sartzeko azkena, biharamunean hasiko baita erasoa. Hasiko… edo jarraituko, zeren Amaiurko balentrian itxi baita hamar urteko zikloa.
- «Gerla hilka, Nafarroakoa: Independentzia, bidegabekeriaren aurka, Herioa, Biziaren aurka, Leialtasuna, Perfidiaren aurka». Migel Orreaga, 1923.
Album honetan, aztertu ditugu konkista-gerla haren kronologia eta okupazioaren makineria 1512tik 1522ra bitarte, bai eta inbasioaren kontrako erresistentzia epikoa ere, izen eta deiturekin: Jakue Belatz Medrano, Maria Hozta, Johanes Arremiritz Bakedao, Johanikot Arberoa…
- «Populuak bota ditu Espainiako armarriak eta [Iruñeko] hiria gelditu da bere buruaren jabe». Antonio Villalobos, 1521.
Dokumentazio ugari aztertu eta destilatu egin dugu, eta orain Herriari eskaini, baliagarri izanen zaiolakoan bost mende bete diren honetan. Amaiur, euskaldunon zoru epikoa.