Apirilean sartzear garen honetan, badira festa ekitaldi ugari asteburuetan. Hala, horietako bat dugu Lizarraldeko Gazte Eguna, apirilaren 20ko larunbatean izanen da Villatuertan:

• 11:00etan hasiko da autodefentsa tailerra eta pankarta tailerrarekin.
• 12:00etan bermuta eta EKIDAren eskutik “Plaza hau gurea da” antzezlana euskaraz.
• 14:30etan herri bazkaria ikastetxean eta bazkalostean bingoa.
• 17:00etan “3indarrok” elektrotxarangarekin kalejira Villatuertako kaleetan eta tabernetan.
• 19:00etan kontzertuak kiroldegian: askotariko musika estiloak izanen dira, osotara 6 talde, 3 bertakoak (Raimundo el Canastero runberoak, The Whaler oteitzarrak eta Atrako Kriminal raperoak), eta horiek osatzera etorriko dira Streetwise eta Leizeak talde nafarrak eta Kaos Urbano madrildarra.

Bazkarirako txartelak 15 euroan salgai Lizarran (Berri taberna), Villatuertan (kiroldegia), Lodosan (Moly taberna), Los Arcosen (La Granja taberna), Garesen (Very taberna) eta Antzinen (Iribia taberna). Bazkaria ikastetxean izanen da eta menua honakoa: entsalada, haragi paella edo paella beganoa, tiramisua, kafea + kopa, bingoa + zozketa. Aukera beganoa hartuko baduzu edo intolerantziarik baldin baduzu: 625121458.