Aurreko urteetan bezala, GAREAN Euskaldunon Elkarteak, Lizarrako Liburutegi eta liburu-denden laguntza eta Udalaren babesarekin, IGBO kanpaina (Irakurri, gozatu, bertan erosi eta oparitu) martxan jarri du. Kanpaina martxoaren 15tik maiatzaren 31 bitartean burutuko da eta egitasmoaren helburuak hauexek dira:
- Irakurzaletasuna sustatzea
- Euskararen erabilera gozagarria bultzatzea
- Euskaltzaleak Liburutegi publikoaren erabiltzaile bihurtzea
- Euskarazko literatura ezagutaraztea
- Bertako merkataritza sustatzea
- Euskarazko liburuen ekoizpena eta salmenta areagotzea
- Herritarren kultur kontsumoan euskararen presentzia indartzea
Liburutegi publiko, liburu-dendak, ikastetxeak, euskaltegia, irakurle klubak, kultur elkarteak eta parte hartuko duten guztien arteko harreman eta elkarlana bultzatzea.
IRAKURRI, GOZATU, BERTAN EROSI ETA OPARITU, liburutegitik liburuak hartu eta euskaraz irakurtzeagatik, Lizarrako liburu-dendetan (CLARIN, INO, DRAGON COMICS eta EKOLORE) liburuak %25 merkeago erosteko aukera eskeintzen dizun ekimena da. Gainera, 30€ko bi erosketa-txeke zozketatuko dira kanpainan parte hartzen dutenen artean.
Euskara eta literatura, gozatu eta gozarazi!
Eta familiek, nola sustatu dezakete haurren irakurzaletasuna? Intza Alkain Galtzagorri elkarteko kideari galdetuz gero, honakoa erantzun ohi du: “Irakurzaletasuna haurrak liburura hurbiltzea da, beraiek nahi dutelako, eta gogoz, alegia, haurrek liburuak beraien kabuz irekitzea eta irakurtzen disfrutatzea. Eta ez hori bakarrik, hori ohitura bihurtzea ere”. Hemen lagungarri izan daitezkeen sei gako.
Noiz: 2025/04/24, 17:30
Non: Lizarra. Liburutegia
Ipuin kontaketa musikatua Amelirekin.
Noiz: Maiatzak 2 eta 3
Non: Lizarra
Egitaraua:
Noiz: 2025/05/29, 17:30
Non: Lizarra. Alfonso Ugarte aretoa (Los Llanos).
Badator Txokolipuinen edizio berria, aurten ostegunarekin, 17:30ean izanen dira, Lizarrako Alfonso Ugarte aretoan (Los Llanos Kulturaguneko patiotik). Sarrerak 2 euroan eta saioaren erdian haurrei txokolatezko ogitarteko txikia emanen zaie.
Haurren adina: Haur Hezkuntza 3 eta Lehen Hezkuntza 1 eta 2. Gurasoak ezin izanen dira sartu. Antolatzaile: Garean euskaldunon elkartea.
