Kotarro 23 aldizkaria atzo argitaratu zen (otsailak 21) eta ondoko gaiak landu dira bertan: “Korrika 18, edo Korrika adinez nagusi egin zaigunekoa” artikulua, Lizarraldeko Korrika Kulturalaren nondik norakoak eta Beinat Etxepare euskaltegiaren matrikulazio datuen inguruan aritzen dena; “AEKren sorrera Euskal Herrian… eta Lizarran” erreportaian aldiz, Lizarrako euskaltegiaren bilakaera aztertzen da; Foto-inkesta ataleko protagonistak, nola ez, euskaltegiko lau ikasle dira eta Korrika 18ren inguruan galdetzen zaie; azkenik, ohiko denborapasen ondotik Korrika 18ren Lizarraldeko ibilbidea eta Korrika Kulturaleko agenda laburtua topa ditzakegu. Kotarroren beste aleak ikusteko hemen klikatu. Gaur egun 700 bat ale banatzen dira Lizarran eta inguruetan, posta arruntez 300 bat, euskaltegian eta lau eskoletan 250 bat eta komertzio zein elkarteetan 150 bat.
