Joan den asteburua euskara aldetik betea izan dugu gure eskualdean: ostiralean Euskalduna naiz eta arraro nago bakarrizketa saioa Lizarrako gaztetxean eta Lur Albizuren Euskaraz hazi, idatzi … bizi hitzaldia Ziraukin; larunbatean berriz Korrika Martxa Artazutik Ziraukira eta Euskaraz Bizi egun txikia Lizarran, eta igandean Korrika Kulturaleko mendi txangoa elur ekaitzaren pean.
Aurreko testuan dituzuen esteketan jarduera horien argazki galeriak edota kronikak topa ditzakezue. Bestetik, post hau laguntzen duen argazkian Lizarrako Lekukoaren Bila ginkanako irabazleak, LAB sindikatuaren taldea, azken proba egiten ageri dira. Datorren larunbata honetan Lizarraldea ordezkatu beharko dute Iruñean eginen den Nafarroako kanporaketan eta Izarbeibarrekoekin batera Nafarroa ordezkatzeko txartela irabazten saiatuko dira.
Haiekin lehiatu ziren AEK-ko taldea, Irantzuko Mankomunitateko taldea, Gazte taldea, Mintzakide taldea eta La Bota taldeak atseden hartuko dute asteburu honetan!
Aizu argazkilari! eta gure talde non dago????
Date: Wed, 27 Feb 2013 14:01:09 +0000 To: eskidevi@hotmail.com
kar,kar,kar! Argazkiak ez ditut nik atera, eman dizkidate … baina dena konponduta … kolore bereko bi talde izanda nahastu egin naiz! … … … erretxin alena!
Bide batez, “La Bota” taldea izendatu zaituztet… hala zen, ezta?
Eskerrik askooo!!! 😉